Sistem digestivu (apparatus digestorius), nudar sistema ne’ebé  kompostu husi canal digestivu kompleta ho ogaun importante ne’ebé iha responsabilidaes atu foti aihan, simu aihan no digesta aihan nune’e bele tama ba iha animal nia isin lolon hahu husi canal digestivu cavidades/rongga husi boca to’o anus atu halo mudanca ba fisilogio animal iha moris lor-loron, bele moris ho diak, troka orgaun isin lolon ne’ebé la funsiona ho normal, fo produsaun no hadia produtividades. Sistema digestivu rasik iha responsabilidades kona ba sekresaun material husi aihan ne’ebé labele absorbe husi animal nia isin no mos labele reabsorbe fila fali. Sistema digestivu koloka ba canal digestivu ne’ebé kompleta ho orgaun oi-oin no preciza tebes ba prosesu digestivu aihan animal hahu husi boca to’o anus no mos orgaun komplementario husi sistema digestivu animal nian hanesan dentes, lingua, glandula salivares, figado no pâncreas. Husi aspektu material aihan ou tipo aihan animal ne’ebé nudar aihan prinsipal ba animal, nune’e animal iha mundo ne’e sei koloka ba grupo bo’ot tolu (3) kompostu husi; (1) animal ne’ebé han verdura (herbivora) mak karau vaca, karau timur, bibi timur no bibi malae (2) Animal ne’ebé han aihan husi animal rasik (Carnivora) mak asu no busa no  (3) Animal ne’ebé han aihan husi verdura ho kuantidade uitoan no aihan husi animal  hanaran Omnivora hanesan fahi. Movimentu no sekresaun aihan iha aparelo digsetivu no aihan hetan kontrola husi kombinasaun entre movimentu nervo no hromone. Hormone sira ne’e komposto husi ligasaun acido amino ne’ebé nia sekuencia ho kuantidade no funsaun ne’ebé diferente entre ida ba fali ida seluk. Movimentasaun aihan iha aparelo digestivu aihan animal hetan imfluencia husi forma aihan , konsentrasaun be’e, konsentrasaun material seca (BK)  no mos tempu no maneira fo han animal.